ཕྱི་ལོ་ ༢༠༡༤ ཕྱི་ཟླ་ ༣ ཚེས་ ༩  རེས་གཟའ་ཉི་མའི་ཐོ་རེངས་ཀྱི་སྐབས་དེར་རྐྱེན་ངན་ཚབས་ཆེན་བྱུང་བའི་ཧ་ཅང་ཡིད་སྐྱོའི་གནས་ཚུལ་གོ་ཐོས་ཀྱིས་འདི་ག་གངས་ལྗོངས་ཆོས་ལྡན་གླིང་གི་ཚོགས་པའི་རྒྱུན་ལས་རྣམས་ཧ་ཅང་བློ་ཕམ་ཚད་མེད་བྱུང་།རྐྱེན་ངན་དེའི་ནང་འདས་གྲོངས་སོང་བ་དང་།   རྨས་སྐྱོན་བྱུང་བའི་བོད་མི་དེ་གཉིས་ཀྱི་ནང་མི་སྤུན་མཆེད་རྣམས་ལ་འདི་གའི་རྒྱུན་ལས་རྣམས་ནས་སེམས་ཚོར་ཆེན་པོའི་སྒོ་ནས་ཐུགས་གསོ་དང་།   གདུང་སེམས་མཉམ་བསྐྱེད་ཞུ་ཡི་ཡོད། གདུགས་རྩུབ་ཅན་གྱི་དྲག་སྤྱོད་དེ་ལ་བརྟེན་ནས་རང་རེའི་བོད་མི་གཞོན་སྐྱེས་ཤིག་གི་གཅེས་པའི་སྲོག་དོན་མེད་དོར་དགོས་བྱུང་བར་བརྟེན།   དེ་ལྟ་བུའི་ཆེས་གདུགས་རྩུབ་ཅན་གྱི་དྲག་སྤྱོད་ལ་རང་རེ་ཚང་མས་མཐའ་གཅིག་ཏུ་ངོ་རྒོལ་དང་དམའ་འབེབས་ཞུ་ཡི་ཡོད།

  Tibetan Canadian Cultural Centre is deeply saddened to learn about the tragic incident that took place early Sunday morning. We would like to express our heartfelt condolences and offer our support

༄༅། སྐྱབས་གནས་ཆོས་རྒྱུད་དགོན་སྡེ་ཁག་གི་བླ་སྤྲུལ་དང་འཕགས་པའི་དགེ་འདུན་མི་མང་བཅས་ཀྱི་སྙན་ལམ་དུ་ཞུ་རྒྱུར། ༧གོང་ས་སྐྱབས་མགོན་ཆེན་པོ་མཆོག་དང་ནང་པའི་སྐྱེ་ཆེན་བླ་སྤྲུལ་གང་ན་སུ་བཞུགས་ པ་རྣམས་སྐུ་ཚེ་བརྟན་ཅིང་ཐུགས་ཀྱི་བཞེད་དོན་ལྷུན་གྱི་འགྲུབ་པ། བོད་ནང་དུ་བོད་བསྟན་སྲིད་དོན་དུ་རང་ལུས་མེར་བསྲེགས་ཀྱིས་འདས་གྲོངས་སོང་བའི་ རྒྱལ་གཅེས་དཔའ་བོ་དཔའ་མོ་རྣམས་དང་གཞིས་ལུས་བོད་མི་དཀའ་སྡུག་ལ་གདུང་སེམས་ མཉམ་སྐྱེད་མཚོན་ཆེད་དང། རང་རེའི་རིག་གཞུང་བལྟི་གནས་སམ་ས་གནས་བོད་རིགས་སྤྱི་ལ་དག་པའི་སྤྱི་ ཁང་འདི་བཞིན་བགེགས་མེད་མུ་མཐུད་བྱ་བ་ལམ་འགྲོ་ཡོང་བ་དང་བོད་རིགས་སྤྱི་དང་ བྱེད་དྲག་ནས་བསོད་ནམས་གསོག་སླད། གངས་ལྗོངས་ཆོས་ལྡན་གླིང་དུ་སྔར་ལོ་བཞིན་༧རྒྱལ་བའི་བཀའ་འགྱུར་རིནཔོ་ཆེ་དག་ སྒྲོགས་གནང་རྒྱུ་ཡིན་པ་དང་ཆབས་གཅིག་༧མགོན་པོ་གང་གི་ཆོས་ལུགས་རིས་མེད་ཐོག་བླ་ མེད་བཀའ་སློབ་ལམ་སྟོན་སྔ་ཕྱི་ཕེབས་པ་བཞིན་འདི་ལོ ཡང་ནང་པའི་བཀའ་འགྱུར་དག་ སྒྲོགས་ཞུས་མཚམས་བོན་གྱི་བཀའ་འགྱུར་ཡང་ཞལ་འབྱེད་གནང་རྒྱུ། ༢༠༡༤ ཟླ་བ་ ༣ ཚེས་ ༡༢བོད་ཟླ་༢ ཚེས་༡༡ ༧སྐུའི་བླ་གཟའ་རེས་གཟའ་ལྷག་པ་ཉིན་དབུ་འཛུགས་ཀྱི་ཉིན་ལྟར་ཉིན་གྲངས་ ༡༨ ནས་༢༠ རིང།