ལོ་འཇུག་འབོད་སྐུལ། YEAR END APPEAL ༄༅། །ལྷག་བསམ་མཚུངས་མེད་ས་གནས་བོད་རིགས་ཡོངས་དང་བོད་ཀྱི་གྲོགས་པོ་ལྷན་རྒྱས་མཆོག་ལ། ཆེད་ཞུ། འདི་ལོར་ནད་ཡམས་ཀྱིས་རྐྱེན་པས་བྱུང་མ་མྱོང་བའི་ང་ཚོའི་སྤྱི་ཚོགས་ཁྱོན་ཡོངས་ལ་དཀའ་ངལ་ཆེན་པོ་འཕྲད་ཡོད་པ་ཀུན་གྱིས་མཁྱེན་གསལ་ཡིན། འོན་ཀྱང་ང་ཚོའི་རྒྱལ་ཁབ་བཟང་པོ་འདིས་སྤྱི་སྒེར་ས་ཡ་མང་པོར་དཔལ་འབྱོར་གྱི་རོགས་སྐྱོར་དང་། འཕྲོད་བསྟེན་གྱི་མཐུན་འགྱུར་ལམ་སྟོན་བཟང་པོ་གནང་བར་བརྟེན། ཚང་མས་དཀའ་ངལ་ལ་གདུང་ལེན་བྱས་ཏེ་བདེ་བར་འཚོ་གནས་ཐུབ་བཞིན་པ་ནི་ང་ཚོ་ཚང་མའི་བསོད་ནམས་ཤིག་རེད་སྙམ་ཡོད། གུས་པའི་ཡོངས་གསལ་འདི་བརྒྱུད་ནས་ཞུ་དོན། ང་ཚོ་ཚང་མ་ནད་ཡམས་འདིའི་དཀའ་ངལ་འོག་མ་ཚུད་པར་བདེ་བར་འཚོ་བཞུགས་གནང་རྒྱུ་དེ་འདི་ནས་གལ་ཆེར་བརྩི་བཞིན་ཡོད་ལ། ང་ཚོས་ཀྱང་དབུས་གཞུང་དང་མངའ་སྡེ་སོགས་ཀྱི་འཕྲོད་བསྟེན་ལམ་སྟོན་བཀའ་རྒྱ་ཇི་ཕེབས་དགོངས་དོན་བཞིན་གངས་ལྗོངས་ཆོས་ལྡན་གླིང་དུ་མི་མང་འདུ་འཛོམས་ཀྱི་བྱེད་སྒོ་ཁག་ཉུང་དུ་བཏང་ཡོད་ཀྱང་། འདས་པའི་ཟླ་ངོ་བཅུའི་རིང་༸གོང་ས་མཆོག་གི་བཀའ་དྲིན་རྗེས་དྲན་དང་ནད་ཡམས་དཀའ་ངལ་རོགས་སྐྱོར་ཆེད་གཤམ་གསལ་ལས་འགུལ་རྣམས་གོ་སྒྲིག་ཞུ་ཐུབ་པ་བྱུང་ཡོད། དགེ་བཤེས་དང་མཁན་པོ་རྣམས་ཀྱིས་ཞབས་རིམ་འགྲེལ་བརྗོད་དང་དབུ་མཛད་གནང་སྟེ་ནད་ཡམས་ལ་ཕན་པའི་གཟུངས་སྔགས་གསོག་བསྒྲུབ་ཞུས། མི་མང་ཁྱིམ་སྡོད་བཀའ་རྒྱའི་རིང་ལུས་སེམས་ངལ་གསོས་ཆེད་དྲ་ལམ་བརྒྱུད་བསྐོར་གཞས་གོ་སྒྲིག་ཞུས། འཕྲོད་ལས་པ་དང་། རྒན་རྒོན། ཉམ་ཐག་རིགས་བཅས་ལ་གསོལ་ཚིགས་ལྔ་སྟོང་ཙམ་རིན་མེད་བགོ་འགྲེམས་ཞུས། འཕྲོད་ལས་པ་དང་དགོས་མཁོ་ཅན་རྣམས་ལ་ཁ་རས་བརྒྱད་སྟོང་ཙམ་དང་། མགོ་རས་སུམ་སྟོང་ཙམ་རིན་མེད་བགོ་འགྲེམས་ཞུས་དང་ཞུ་མུས་ཡིན། ཁེ་མེད་རོགས་ཚོགས་ Feed-it-Forward དང་མཉམ་འབྲེལ་ཐོག་དགོས་མཁོ་ཅན་ལ་གསོལ་ཚིགས་ཆིག་ཁྲི་ཉིས་སྟོང་ཙམ་བགོ་འགྲེམས་ཞུས་དང་ཞུ་མུས་ཡིན། རང་རིགས་ལོ་ན་རྒན་པ་ཚོར་སྐམ་ཟས་རིགས་ཐེངས་བརྒྱད་ཙམ་བགོ་འགྲེམས་ཞུས་ཡོད། ཏོག་དབྱིབས་ནད་ཡམས་ཀྱིས་མནར་བའི་ནད་པ་ཚོར་བོད་ཀྱི་སྲོལ་རྒྱུན་གསོལ་སྨན་དང་། མོག་མོག ཤིང་ཏོག་བཅས་རང་ཁྱིམ་བར་སྐྱེལ་འགྲེམས་ཞུས། དབྱར་ཁའི་རིང་གཞོན་སྐྱེས་ཚོར་ཟབ་སྦྱོང་དང་།